14.8 C
Скопје
26 септември, 2023
Inbox7.mk
ВЕСТИРЕГИОН

АХМЕТИ ОПТИМИСТ ДЕКА ЌЕ БИДЕ ПОСТИГНАТ ДОГОВОР ПОМЕЃУ БЕЛГРАД И ПРИШТИНА

Јас се залагам за напредок и денес нека биде постигнат, изјави денеска во Охрид лидерот на ДУИ Али Ахмети по средбата со косовскиот премиер Албин Курти.

На новинарско прашање дали верува дека ќе заврши процесот на дијалогот со взаемно признавање меѓу Косово и Србија, Ахмети рече дека тоа зависи од двете делегации, но верува дека ќе биде постигнат договор помеѓу Приштина и Белград.

„Мислам дека како финален процес, Косово треба да оди напред кон меѓународно признавање како држава и негово унапредување и прифаќање во сите меѓународни институции и да го продолжи патот кон членство во Европската Унија и НАТО“, рече Ахмети.

Курти и српскиот претседател Александар Вучиќ денеска разговараат во Вилата Билјана во Охрид во рамки на дијалогот меѓу Белград и Приштина за нормализација на односите, што се одржува по покровителство на ЕУ. Домаќин на средбата е македонскиот премиер Димитар Ковачевски.

Денешните разговори, на кои присуствуваат и високиот претставник на ЕУ за надворешни работи и безбедносна политика Жозеп Борел и специјалниот пратеник на Унијата за дијалогот меѓу Белград и Приштина, Мирослав Лајчак, се продолжение на дискусијата од 27 февруари во Брисел на која беше договорен текстот на првичниот план за нормализација на односите меѓу двете земји.

Related posts

Меџити: Или ја продолжуваме битката, или одиме дома и се предаваме

admin

НА СЕКОЈ СААТ ИМА НОВИ ВОЗДУШНИ НАПАДИ ВРЗ ХЕРСОН, ВЕЛИ ЗЕЛЕНСКИ

ninja

ЌЕ СТАНЕ ЛИ КИНА КОЧНИЧАР НА СВЕТСКАТА ЕКОНОМИЈА?

ninja

Страв од фрагментација или од детронизација?

admin

Милошоски: СДС да се изјасни – или се за ДУИ, или за Македонија

admin

Ковачевски: Ова не е прва посета на Ескобар, нема да биде ни последна

admin