22.8 C
Скопје
22 јуни, 2024
Inbox7.mk
ВЕСТИ

ИНСАЈДЕР: РУСИЈА САКА ДА ГИ ЗАТВОРИ СЕВЕРЕН ТЕК 1 И 2

Руската влада не очекува подобрување на односите со Западот, поради што не може да се очекува дека цевките наскоро повторно ќе бидат потребни, јавува агенцијата Ројтерс повикувајќи се на информации од две лица запознаени со процесот. Друг инсајдер во Русија дури изјавил оти владата во Москва го смета проектот за „закопан“.

Во меѓувреме, двајца други познавачи на состојбите информираат дека цевките од гасоводите би требало да се конзервираат, односно да се чуваат во состојба што нема да оневозможи идно реактивирање. Ова веројатно би значело оти цевките оштетени од експлозии ќе бидат запечатени, за да се заштитат од водата на Балтичкото Море. Доколку течниот гас ЛНГ, кој сега се користи како замена за руски гас, стане прескап, можеби повторно ќе постои потреба од руски гас, велат инсајдерите.

До запирањето на испораката на гас, Русија преку гасоводот Северен тек 1 пумпаше гас од Сибир до Германија и другите европски земји. Северен тек 2 не беше пуштен во употреба поради рускиот напад на Украина. Гасоводите беа оштетени од експлозии во септември 2022 година. Рускиот гасен гигант Газпром соопшти дека технички е можно да се поправат оштетените цевки.

Оперативните компании наСеверен тек 1 и Северен тек 2, не се изјаснуваат околу ова прашање, а енергетскиот концерн Е.ОН, кој е кој е малцински акционер во Северен тек 1, објаснува: „Според нашите сознанија како малцинскиот акционер, не е донесена одлука ниту ‘за’ ниту ‘против’ обновување на линијата“.

Karte Infografik Nord Stream 1 und 2 EN

Портпаролот на Кремљ, Дмитри Пексов, во меѓувреме реагираше со изјава дека одлуката за иднината на Северен тек треба да ја донесат сите кои имаат удел во гасоводите. „Се разбира дека е тоа одлука која треба да биде донесена од страна на сите кои имаат удел“, рече Песков во Москва./DW

Related posts

Приштина со одговор за реакциите во Скопје за посетата на Курти

admin

Нју Јорк Тајмс: Како Украина го промени моментумот во Бахмут

admin

Бајден вети дека САД и сојузниците „нема да се поколебаат“ во одбрана на Украина

admin

НЕПРИФАТЛИВО ИНСТАЛИРАЊЕ НА ТУЃ ПРОБЛЕМ НА МАКЕДОНСКО ТЛО

ninja

Манифест за консензус за уставни измени или купување време?

admin

Доналд Трамп: Зошто Европа не дава повеќе пари за да и помогне на Украина?

admin