Ветеранот во таборот на Барселона, Серхио Бускетс, чиј договор завршува летово, не крие дека би сакал да остане на „Камп Ноу“, за што би прифатил и драстично кратење на платата со оглед на големата финансиска криза на клубот и проблемите со финансискиот ферплеј на Ла Лига.
Капитенот на Каталонците има понуди за многу повеќе пари од Саудиска Арабија и од МЛС, но сака да остане во таборот на Барса, за што се согласил да игра за само третина од платата што ја имаше досега.
Познато е дека Бускетс досега играше за 12 милиони евра годишно, што значи дека ако потпише нов договор, тој би бил на најмногу четири милиони евра по сезона.