12.8 C
Скопје
20 април, 2024
Inbox7.mk
ВЕСТИСВЕТ

По месец дена потрага уапсен индиски сепаратист

Индиската полиција го уапси сепаратистичкиот водач на Сиките, Амритпал Синг, откако повеќе од еден месец трагаше по него.

„Амритпал Синг е уапсен во Мога, Пунџаб“, објави државната полиција на Твитер, повикувајќи ја јавноста да не шири лажни вести.

Тој беше уапсен според Законот за национална безбедност, кој дозволува оние што се сметаат за закана за националната безбедност да бидат притворени без обвинение, изјави полициски претставник.

Синг, проповедник во северозападната држава Пунџаб, со мнозинство на Сики, ги оживеа разговорите за независна татковина на Сиките и ги поттикна стравувањата од враќање на насилството во кое загинаа десетици илјади луѓе во 1980-тите и раните 1990-ти.

Полицијата го обвини Синг и неговите поддржувачи за обид за убиство, попречување на спроведувањето на законот и создавање раздор и рече дека тој бил во бегство од средината на март.

Властите распоредија илјадници полицајци во потера, додека интернетот беше во прекин со денови во Пунџаб, држава со 30 милиони жители.

Полицијата уапси повеќе од 100 негови следбеници, ги префрли во затвори, оддалечени стотици километри, а во некои области властите забранија собири на повеќе од четири лица.

Related posts

Избрани министрите за здравство и информатичко општество

admin

ЕЛЕКТРОНСКИТЕ СМЕТКИ ЗА ВОДА ВО РАЦЕТЕ НА ФИРМА БЕЗ ИСКУСТВО

ninja

МАКЕДОНСКИТЕ И БУГАРСКИТЕ ИСТОРИЧАРИ БЕЗ ДОГОВОР ЗА ОХРИДСКАТА АРХИЕПИСКОПИЈА

ninja

БУБЕВСКИ: ЗАСТАРУВАЊЕТО НА ДЕЛОТО ЗА ДАРАВЕЛСКИ Е ГОТОВА РАБОТА, ОСТАНУВА САМО КОНФИСКАЦИЈАТА

ninja

Илон Маск: Ќе кажам што сакам, а ако последицата од тоа е губење пари, нека биде така

admin

Избори во Србија: Вучиќ помоќен, опозицијата не ги прифаќа резултатите

admin