Тренерот на Пари Сен Жермен, Кристоф Галтие повторно е главна тема во француските медиуми, но овој пат не поради лошите игри и резултати на францускиот шампион.
Наводно, поранешниот директор на Ница, Жулијен Форније, открил дека Галтие е незадоволен, бидејќи во неговиот тим имало премногу црнци и муслимани.
„Имаме ѓубриња во тимот, меѓу кои има црнци, а половина од нив се во џамија во петок. Не смееме да имаме толку црнци и муслимани. Овој тим не ми одговара“, наводно рекол Галтие, а Форније го тврди ова, истакнувајќи дека има доказ во својата е-пошта.
Сега тука мора да се постават неколку логични прашања, од кои првото е зошто ова дури сега се појави во сериозните француски медиуми? Ако ПСЖ сака да го отпушти Галтие, не му требаат вакви обвинувања. Исто така, ова му дава на Галтие сериозна етикета на расист на сите идни работни места, па затоа е неопходно да се почека и да се слушне остатокот од приказната.
Секако, ако тоа се неговите ставови, тогаш се поставува и прашањето зошто дури сега се појавија во јавноста… Галтие ја напушти Ница по една сезона во 2021/22 година, а потоа доби покана од Пари Сен Жермен, која не можеше да ја одбие.