“Ќе заличиме навистина на сериозна држава ако најдеме сили и зрелост, низ широк процес на вистинска демократска дебата, да формулираме државни позиции за патот напред”, потенцирал Димитров, посочувајќи го тоа како нужност за излез од актуелната „каша“ во која се наоѓаат македонско-бугарските односи.
Димитров од неодамна е претседател на невладината тинк-тенк организација „Балкански центар за конструктивни политики- Солуција”, посветена на важноста од справување со корупцијата, клиентелизмот и поларизацијата на општеството, унапредување на општествената дебата и културата на дијалог, за конструктивни решенија во сите сфери на општеството. Со Димитров разговаравме за дел од овие прашања, но и за последните промени во „тонот“ на Скопје кон Софија.