14.8 C
Скопје
19 април, 2025
Inbox7.mk
ВЕСТИРЕГИОН

Косово: Вучиќ на средба со амбасадорите на САД, Русија, Кина и ЕУ

Српскиот претседател Александар Вучиќ утре ќе се сретне со амбасадорите на САД, Русија, Кина, Велика Британија и со шефот на мисијата на Европската унија, соопштија од кабинетот на претседателот, откако избија нови судири во северно Косово, известува Ројтерс.

Вучиќ ја стави армијата на највисоко ниво на борбена готовност откако околу 25 мировни војници на НАТО кои бранеа три градски собранија во северно Косово беа повредени во судирите со српските демонстранти.

Вучиќ утрово ќе се сретне со амбасадорите на САД, Италија, Франција, Германија и на Велика Британија, и со шефот на канцеларијата на ЕУ во Приштина, се вели во соопштението од кабинетот на претседателот.

Потоа ќе оствари одвоени средби со амбасадорите на Финска, Русија и Кина.

Шефот за надворешна политика на ЕУ Жозеп Борел доцна денес ги осуди судирите, нарекувајќи го насилството врз мировниците на НАТО „апсолутно неприфатливо“ и повика на итен дијалог.

„ЕУ ги повикува косовските власти и демонстрантите веднаш и безусловно да ја деескалираат ситуацијата“, напиша Борел на Твитер.

Напнатата ситуација се разви откако градоначалниците на етничките Албанци ја презедоа функцијата во областа со мнозинство Срби во северно Косово по изборите што Србите ги бојкотираа – потег што ги натера САД и нивните сојузници да ја прекорат Приштина во петокот.

Србите, кои сочинуваат мнозинство на северот на Косово, никогаш не ја прифатија нејзината декларација за независност од Србија во 2008 година и сè уште го гледаат Белград како главен град повеќе од две децении по бунтот на косовските Албанци против репресивната српска власт.

Етничките Албанци сочинуваат повеќе од 90 отсто од населението во Косово како целина.

Related posts

„АКО УКРАИНА ПРЕСТАНЕ ДА СЕ БОРИ ТОА ЌЕ БИДЕ НЕЈЗИНИОТ КРАЈ“

ninja

Лога ја отвори Пандорината кутија а бугарските здруженија со пропаганда за „олеснување “ на чекорите до бугарски пасош

admin

Сите 59 жртви од пожарот во Кочани починале од задушување

admin

КОВАЧЕВСКИ: И ЕВРЕИТЕ ЌЕ ВЛЕЗАТ ВО МАКЕДОНСКИОТ УСТАВ

ninja

Шолц: ЕУ мора да го награди напредокот на С. Македонија

admin

ФОТО Тешка сообраќајна несреќа на патот Росоман-Прилеп, има и загинати

admin