Шефот на македонската дипломатија Бујар Османи, коментирајќи ги вчерашните избори во Турција, рече дека е важно изборите таму да поминат во демократски дух, додека каков ќе биде изборот на турскиот народ е внатрешно прашање таму. Според Османи, Турција е стратешки партнер на Македонија и соработката меѓу двете земји треба да продолжи без разлика кој е на чело на државата.
„Во геополитички контекст Турција навистина има многу важна улога во одржувањето на стабилноста. Тоа е мостот меѓу Европа и Блискиот Исток, Азија и секако политички дестабилизирана Турција многу пошироко би ги дестабилизирала двете страни на овој мост“, рече меѓу другото Османи во Клан Дебат.