Амбасадорот на САД во Косово, Џефри Ховениер, на денешната средба со новинарите, даде детали за барањата на меѓународната заедница до владата на Косово, пренесува Инбокс7.
Покрај исклучувањето на Косово од вежбата „Бранител Европа 2023“ и забраната за лобирање во земјите кои не ги признаваат, тој рече дека неговата земја размислува и за други импликации и дејствија.
Во врска со одлуката на претседателот на Србија, Александар Вучиќ, да ја подигне подготвеноста на армијата на највисоко борбено ниво, Ховениер рекол: “Никогаш не е добар знак дека соседните земји со заладени односи ги мобилизираат своите сили. Но, сакам да кажам дека во овој момент, она за што сме загрижени се дејствијата што ги презема владата на Косово кои ја создадоа оваа атмосфера на криза на север и тоа мора да се реши.”