Она што ние сме го надминале пред 22 години, денес се чини невозможно во регионот, затоа со за Европа па и во ЕУ важиме за успешна приказна од која можат да учат и другите.
Ова денеска го изјави вицепремиерот за Европски прашања, Бојан Маричиќ, на панел-дискусијата на тема: „Важноста и улогата на Охридскиот Рамковен договор на патот кон ЕУ и спроведувањето во однос на помалку бројните заедници“, организирана од Здружението за млади, демократија и човекови права УФУК-Скопје, известува Инбокс7.
“Концептот на нашиот Устав согласно Рамковниот договор помогна и во преговорите со Бугарија, правејќи ги бугарските барања во една рамка и порационални, и во создавањето услови за влез на Бугарите во Уставот според рамката која сега ја имаме, не со нешто што ќе направи турбуленција или промена на она сега го имаме, само со додавање на уште неколку заедници во нашиот Устав.”, изјави Маричиќ.
Тој најави процес на подготовка на Патоказ за владеење на правото, во чии рамки е и Акцискиот план за заштита на малцинствата, во кој ќе се одредат мерките за заштита зајакнување на позицијата на секаков вид на малцинства не само етнички.
“Она што го имаме направено во изминатите 20 години ни е вредност и позитивен влог со којшто влегуваме во преговорите со Европската Унија.”, оцени Маричиќ.