17.8 C
Скопје
27 февруари, 2024
Inbox7.mk
ВЕСТИРЕГИОН

Борел по средбите со Вучиќ и Курти: Имаме договор

Шефот за надворешна политика на Европската унија, Жозеп Борел, по одвоените средби со премиерот на Косово, Албин Курти и со српскиот претседател, Александар Вучиќ, изјави дека е постигнат договор за потребата од одржување нови избори во четирите општини со мнозинство жители етнички Срби на северот на Косово, пренесува Инбокс7.

Тој рече дека по повеќе од четири часа разговори на двајцата лидери им е јасна сериозноста на ситуацијата на северот, но имаат различни пристапи и толкувања на ситуацијата.

Борел рече дека заедно со европскиот пратеник за преговорите Косово-Србија, Мирослав Лајчак на страните им ги претставил очекувањата од Европската унија.

„Косово веднаш да ги прекине полициските операции во општинските згради на север и четворицата градоначалници привремено да ги извршуваат своите должности надвор од општинските канцеларии. Србија треба да обезбеди демонстрантите да ги напуштат општинските згради истовремено со заминувањето на косовската полиција“, рече Борел.

Според Борел, треба да распишат нови избори во четирите општини, со безусловно учество на Србите во нив.

„Ова е коренот на проблемот и коренот на решението – нови избори што е можно поскоро со целосно учество“, нагласи тој и подвлече дека е постигнат договор за потребата од одржување на избори.

 

Related posts

Русија поседува дел од бугарскиот брег на Црното Море, а се чини дека на Софија не и пречи

admin

Бајден ќе стави вето на пакетот помош за Израел во Претставничкиот дом, вели Белата куќа

admin

УЧЕСТВОТО НА ЖЕНИТЕ ВО ПОЛИТИЧКИОТ ЖИВОТ

admin

Српско-рускиот хуманитарен центар во Ниш под лупа на Брисел

admin

КФОР најавува повлекување од општините на северно Косово

admin

Вучиќ за инает не го менува Вулин, санкциониран од САД и обвинет за врски со организиран криминал

admin