4.8 C
Скопје
18 април, 2024
Inbox7.mk
ВЕСТИНАСЛОВНАРЕПУБЛИКА

Им се нуди накит од 130 денари за потоа да им се испразнат сметките: Многу граѓани се жалат на Интернет измами

Сѐ поголем број граѓани се жалат од измами на социјалните мрежи, додека полицијата крева рамена и повикува само на претпазливост. Како што пишува ДВ, на измамените граѓани им биле нудени производи по ниски цени, а тие поитале да ги набават, лепејќи се на измамничката шема, пренесува Инбокс7.

Телефони за 1 денар, тротинети, апарати за домаќинство, лажни наградни игри за бесплатни подароци, „ексклузивна“ понуда на накит кој се продава за само 130 денари, се само дел од измамите на кои се жалат граѓаните.

Ваквиот ризичен шопинг многумина ги чини многу. Измамничката шема брзо им ги исцедува сите средства од сметките, по што почнуваат проблемите на граѓаните – се трча по банки да се блокираат сметките, се вртат телефони за поврат на средствата, се бара помош од МВР и од Секторот за компјутерски криминал, се алармираат различни инспекциски служби…

Само на почетокот на годинава, во периодот од јануари до февруари, на територијата на државата се регистрирани 27 кривични дела „злоупотреба на лични податоци“, за кои по преземени мерки и активности кривично се пријавени 23 сторители.

„Во 2021 година, регистрирани се 142 кривични дела за злоупотреба на лични податоци, за кои по преземени мерки и активности кривично се пријавени 67 сторители, додека во 2022 година се регистрирани 125 кривични дела и мерки на кривичен прогон се преземени против 76 сторители“, информираат од МВР за ДВ.

Related posts

Заврши времето на пораки во дипломатски ракавици

admin

Русија и Лавров изолирани во Скопје

admin

ДЕН ЗА ПРЕИСПИТУВАЊЕ: ПОГЛЕД ВРЗ КОРУПЦИЈАТА

ninja

СКОПЈЕ И СОФИЈА СО ЗАЕДНИЧКИ ПЛАН ЗА 4 ФЕВРУАРИ

ninja

Мицевски: Уставни измени под диктат нема, власта нема двотретинско мнозинство

admin

Бајден и Мекарти постигнаа пробен договор за плафонот на американскиот долг

admin