Полициски службеници од СВР Тетово го лишиле од слобода А.Љ.(31) од Тетово заради сомневање дека пуштил на продажба наркотични средства, соопшти МВР.
“При претрес извршен врз основа на издадена судска наредба во неговиот дом во Тетово била пронајдена и одземена марихуана. Во 22.30 претрес со судска наредба бил извршен и во домот на С.Б.(33) од Тетово, при што биле пронајдени и одземени повеќе пакувања марихуана подготвени за продажба. Лицето не било во својот дом, но подоцна било лоцирано и повикано во полициска станица. По целосно документирање на случаите против нив ќе бидат поднесени соодветни поднесоци.”, се вели во соопштението на МВР.