Две децении од Солунскиот самит го наоѓаат Западниот Балкан сеуште надвор од Европската унија (ЕУ). Но Министерот за надворешни работи, Бујар Османи, вели дека е постигнато многу, пренесува Инбокс7.
Членството во Унијата е крајната цел но, според Османи, мора да има повеќе интеграција на овој пат, како што напредуваме во процесот на пристапување и исполнуваме критериуми.
“Имаме над 40% усогласеност на нашето законодавство со европското. 100% усогласеност со Заедничката надворешна и безбедносна политика на ЕУ. Имаме силно трговско и економско поврзување и нашите стоки и услуги одамна се дел од европскиот пазар, а европските компании се најголемите странски инвеститори во земјава. Висок степен на мобилност преку активната студентска размена – Еразмус+, а граѓаните исто така одамна ја имаат придобивката слободно да патуваат во земјите на ЕУ заради безвизниот режим”, вели Османи.