Премиерот на Северна Македонија, Димитар Ковачевски и премиерот на Албанија, Еди Рама, денеска на граничниот премин Ќафасан го пуштија во употреба One-stop-shop, заедничко управување на граничните и царински контроли со едно застанување, пренесува Инбокс7.
“Со овој концепт овозможуваме благосостојба на нашите граѓани во Северна Македонија и Албанија, посилни економски партнерства и поефикасна соработка меѓу компаниите. Со One-stop-shop придонесуваме и за забрзан регионален економски раст и развој, повисок степен на хармонизација на граничните контроли и поуспешно откривање на нелегални прекугранични активности”, рече Ковачевски.
Со концептот на интегрирано гранично управување, според него, “исполнуваме уште една обврска од проектот за интеграција на Северна Македонија и Албанија како на регионално така и на европско ниво. Ние промовираме европски вредности и практики како придонес кон наше што побрзо членство во Европската Унија.”