20.8 C
Скопје
16 јули, 2024
Inbox7.mk
ВЕСТИРЕПУБЛИКА

Анализа на РТС: Со уставните измени Македонците стануваат малцинство во сопствената држава

Дали Македонците стануваат малцинство во сопствената држава, иако според последниот попис се повеќе од 58 проценти? Вака почнува анализата на српската национална телевизија РТС за уставните измени, со кои меѓу другите етничките Бугари стануваат дел Уставот, пренесува Инбокс7.

“Бројките не се во согласност со барањата на малцинските заедници како и со постапките на одредени етнички групи. Така неодамна во Тетово не можеше да се види знамето на Северна Македонија, туку на Голема Албанија. Идентитетот на Македонците го оспоруваат Бугарите. И Грците ги предизвикаа, но тоа беше решено со договор”, се вели понатаму во текстот.

Северна Македонија би можела да го промени својот устав уште еднаш, и тоа по деветти пат од стекнувањето независност во 1991 година, потсетува телевизијата.

“Пред пет години го смени името како услов за продолжување на европското патување. На овој пат, Бугарија сега ја држи рампата и бара Бугарите како национално малцинство да бидат вклучени во преамбулата”.

РТС го цитира политичкиот аналитичар и поранешен министер за евроинтеграции во македонската влада Ивица Боцевски, кој вели дека не се работи за барање на бугарското малцинство, туку за уцена на Софија.

„Значи, кога ќе се демократизираме и европеизираме, веројатно еден ден ќе си легнеме како недемократски Македонци и ќе станеме како европски, демократски Бугари. Така отприлика размислува Софија. Ако утре се промени политиката во Софија, ако, да речеме, претседателот Бугарите ја менуваат реториката и велат „Браќа Македонци, да одиме заедно, вие сте посебен народ, имате посебен јазик“, ние немаме проблем со тоа“, посочува Ивица Боцевски, политички аналитичар од Скопје.

РТС вели дека најбројното малцинство, кое сочинува речиси четвртина од населението во Северна Македонија, се Албанците – претставени во Уставот и институциите повеќе од две децении.

„Македонија има таков устав што е постигнат баланс на односите и заедничко владеење. Секако дека Македонците се мнозинство и имаат поголема моќ во тој дел од власта, а етногеографската структура е таква што Албанците немаат бројност во источниот и југоисточните делови од државата, најбројни се на северозапад и запад“, вели за РТС Алберт Муслију, политички аналитичар од Скопје.

Телевизијата потсетува дека “токму во тој дел од земјата, во Тетово, кој важи за главен град на Албанците во Северна Македонија, неодамна се одржа митинг без никаков знак на земјата домаќин. Наместо тоа знамињата на Албанија и Голема Албанија.”

Алберт Муслиу ја гледа посетата на Аљбин Курти како рецепт за подобар пласман на албанската опозиција на следните избори, имајќи предвид дека во Тетово на власт се албанските партии кои не учествуваат во влада на централно ниво.

„Посетата, мислам дека беше политичка цел пред изборите, бидејќи Курти е навистина популарен меѓу младите во Македонија и сите Албанци кои ја губат довербата во политичките партии со неговиот антикорупциски наратив“, вели Муслиу.

Законот, РТС потсетува дека градоначалникот на Тетово и претседателот на скопската општина Чаир добија прекршочни пријави за неистакнување на знамето на државата во која живеат.

“Властите на Северна Македонија веќе направија отстапки за Албанците – во 2019 година албанскиот јазик стана официјален заедно со македонскиот”, се вели во анализата.

Related posts

МИЈАЛКОВ НА ЧЕКОР ДА СЕ СПАСИ И ОД СУДЕЊЕТО ЗА „ТИТАНИК 2“

ninja

Мицковски: Ќе направам се ДУИ да оди во опозиција

admin

„Не можам да верувам дека зборувам за мојата мртва ќерка“: Потресна исповед на таткото на младата аргентинка која загина во Приштина

admin

Украина, Косово, Русија…што се очекува од НАТО самитот во Вилнус?

admin

Мицковски со порака од градот на Заев: Струмица е македонски град

admin

Средби во Брисел, О’Брајан: Косово и Србија да ги решат проблемите, неспроведување на договорите загуби за двете страни

admin