2.8 C
Скопје
22 февруари, 2024
Inbox7.mk
ВЕСТИНАСЛОВНАРЕПУБЛИКА

Ковачевски: Ова не е прва посета на Ескобар, нема да биде ни последна

Претседателот на Владата на Република Северна Македонија, Димитар Ковачевски, по средбата со заменикот помошник државен секретар на САД за европски и евроазиски прашања и специјален претставник за Западен Балкан, Габриел Ескобар, изјави во фокусот на разговорот бил развојот на настаните во однос на нашиот европски пат и можноста да бидат усвоени уставните измени,  пренесува Инбокс7.

“Разговаравме за успешниот тек на скринингот, а пред сѐ за отпочнувањето на процесот на отпочнување на уставни измени кое покрај ЕУ и САД го сметаат за навистина клучен и важен чекор во обезбедувањето на европска иднина и продолжувањето на европските интеграции на Северна Македонија. Ова е истиот став како и ставот на коалицијата која што ја предводи оваа Влада и која што е мнозинство во Собранието и е ист со ставот на огромното мнозинство на македонските граѓани кои над 80% сакаат да бидат дел од ЕУ. И она што ние треба да го направиме како политички лидери е да обезбедиме непречен процес на зачленување на Северна Македонија во полноправно членство во ЕУ”, рече Ковачевски.

Тој потоа и одговори на опозицијата, која рекла  дека Владата коленичи за да дојдат странски дипломати за да вршеле притисок како дел од светски заговор и дел од супер непријатели против дел од македонскиот политички спектар, со цел да се обезбедело гласање.

“Тоа не е точно, бидејќи во Северна Македонија денес е присутен висок претставник на најпријателската држава на Северна Македонија – САД, тој е во Северна Македонија како дел од неговите редовни посети во регионот бидејќи високиот претставник Ескобар е висок претставник за Европа и специјален претставник за Западен Балкан. Тоа не е негова прва посета ниту пак ќе биде последна посета. И во име на тоа пријателство е и оваа денешна средба на која што разговараме токму за работите кои ги имаме заедно постигнато во текот на изминатите години и што е она пред нас што можеме да направиме заедно”, рече Ковачевски.

Целата прес конференција можете да ја најдете во видеото подолу: 

 

 

 

 

Related posts

ЃУКАНОВИЌ: ЦРНА ГОРА НЕ Е ДЕЛ ОД РУСКИОТ ПЛАН ЗА ДЕСТАБИЛИЗАЦИЈА НА МОЛДАВИЈА

ninja

Светска Банка: Северна Македонија со најмал економски раст во регионот во следните три години

admin

Нападите на Хезболах може да бидат полоши од Хамас

admin

ЕУ-интеграција: Малку напред кон 2030, малку назад кон 2018

admin

Даути: Стратегијата за развој мора да биде инклузивна, само така ќе имаме резултати

admin

РСЕ: ЕУ бара Охридскиот договор да се вклучи во преговарачката рамка за Србија

admin