15.8 C
Скопје
24 април, 2025
Inbox7.mk
ВЕСТИНАСЛОВНАРЕПУБЛИКА

Мишел: ЕУ мора да биде подготвена за ново проширување

Претседателот на Европскиот совет, Шарл Мишел попладнево од Бледскиот стратешки форум порача дека до 2030 година Европската унија мора да биде подготвена за ново проширување.

Ова, според Мишел, треба да биде еден од главните предизвици на Унијата. Следното проширување, вели тој, треба да се предвиди во новиот буџет на Европската комисија.

Мишел предлага да се воведе „confidence clause“ за земји што влегле да не блокираат земји кои сакаат да влезат.

Земјите аспиранти, според Мишел, треба да го почитуваат владеењето на правото, да се борат против корупцијата и криминалот и да ги спроведат реформите.

На панелот учествуваат премиерите од Западен Балкан, Северна Македонија, Албанија, Црна Гора, Србија, Босна и Херцеговина и Косово, како и премиерите на Хрватска и Бугарија.

Инаку, претседателот на Европскиот совет, Шарл Мишел по синоќешната билатерална средба со премиерот Димитар Ковачевски, што се одржа пред почетокот на Бледскиот стратешки форум, изјави дека е убеден и уверен дека иднината на Северна Македонија е во ЕУ.

Мишел оцени дека односите меѓу Северна Македонија и ЕУ се одлични. Притоа тој му честита на премиерот Ковачевски за одлуката за отпочнување на постапката за носењето на уставните измени.

По средбата со Ковачевски, Мишел на социјалната мрежа X (Твитер) изрази целосна поддршка на иницијативата за усвојување на уставните амандмани и покрај, како што пишува, многуте политички предизвици.

Related posts

Со заем од нафтените резерви ќе се решава кризата во ЈСП

admin

Радоичиќ ослободен, реагира Ѓилас: Вучиќ да поднесе оставка, ќе се соочиме со санкции

admin

Зеленски појасни дека Бакхмут не е под руска контрола:„Русија ќе ја почувствува нашата контраофанзива“

admin

ВМРО-ДПМНЕ: Ставот останува непроменет – нема уставни измени под бугарски диктат

admin

Ахмети повика да не се повтори грешката од 2006 година

admin

Големите тендерите се или во „финална фаза на подготовка“ или „поништени“ – На централната власт никако да и’ тргне

admin