9.8 C
Скопје
18 април, 2024
Inbox7.mk
ВЕСТИНАСЛОВНАРЕПУБЛИКА

На 13 август Меџити ќе ја промовира новата партија, во најава за формирање уште 2 нови субјекти

На 13 август, на денот на потпишувањето на Охридскиот рамковен договор, бившиот потпретседател на ДУИ, Изет Меџити, ќе ја промовира новата партија – Демократско движење (ДД), пренесува Инбокс7.

Еден од основачите, Мухамет Асани, вели дека Демократското движење има за цел да отвори ново поглавје во политиката на Северна Македонија.

„Денеска ја користам можноста да ве поканам сите, без исклучок, да станете дел од Демократското движење, дел од почеток на нов почеток и заедно да ја завршиме битката што ја започнавме, бидејќи само заедно можеме да направиме разлика што сакаме“, рече Мухамет Асани од Демократско движење.

Со новото Движење на Меџити на политичката сцена ќе има шест албански партии. Но, тоа не е се, бидејќи нова партија најави и Аријани Хоџа, кој се отцепи од Движењето Беса.

И независниот пратеник Скендер Реџепи – Зејди во изјава за ТВ21 не ја исклучи можноста за формирање на нов политички субјект, што значи дека најверојатно ќе стане осум политички партии.

Експертот за политички прашања Џелал Незири, формирањето на многу нови партии го гледа како локализација на политиката и затворање на политиките во општините. Тој смета дека тоа е штетно бидејќи во оваа форма интересот на албанскиот граѓанин не може соодветно да се застапува на државно ниво.

„Мислам дека е најдобро овие политички партии што се формираат денес или дури и оние што ќе се формираат во иднина, на следните избори да се натпреваруваат во не повеќе од две коалиции. Значи две големи коалиции затоа што ќе се формираат врз основа на заеднички, блиски идеи и идеологии и во оваа форма на граѓаните ќе им понудат две понуди, бидејќи големиот број понуди кај граѓаните предизвикува какафонија која го демотивира албанскиот граѓанин да учествува во демократските процеси, ги демотивира да излезат на избори“, вели за ТВ21 Џелал Незири, политички аналитичар.

Според Незири, јасно се забележува дека излезноста на албанските граѓани на парламентарните избори е намален од 2011 година, каде што излезноста на Албанците е и до 40%.

“Меѓу другото, бидејќи има многу политички партии со исти цели, повеќе не доминира општиот, туку индивидуалниот, групниот или кланскиот интерес”, заклучува Незири.

Related posts

Зошто Бранко Црвенковски се јави со нова иницијатива?

admin

Нефју: Имаме веродостојни информации дека Мерко бил вмешан во голема корупција

admin

Белгија: Изборната кампања ќе го скрати претседавањето со ЕУ

admin

Уставниот суд тежи 2 милиони евра, Татјана Васиќ-Бозаџиева 10 пати побогата од Фатмир Скендер

admin

ПРОВЕРКИ НА ТЕРЕН – СЕ ПОЧИТУВА ЛИ ЗАМРЗНУВАЊЕТО НА ЦЕНИТЕ?

ninja

Брегу: Почна намалувањето на цените за роаминг меѓу Европската yнија и Западен Балкан

admin