Средбата на лидерот на ВМРО-ДПМНЕ, Христијан Мицкоски, со бившата министерка за внатрешни работи, Гордана Јанкуловска, и објавувањето на фотографијата од настанот поттикна остра реакција на Алијанса за Албанците (АзА) на Арбен Таравари, пренесува Инбокс7.
Според АзА, ВМРО-ДПМНЕ го легализираат и рехабилитираат политичкиот и институционалниот криминал како политичка жртва.
“Алијансата за Албанците најостро го осудува обидот на Христјан Мицковски и ДПМНЕ за амнестија и рехабилитација на криминалци кои во моментов издржуваат затворски казни. Тоа што ВМРО никогаш не најде сила да се извини за мрачното минато и да се огради од тој период, покажува дека и нивната иднина останува криминал и мрак, а во овие регресивни акции партнери се и некои мизерни Албанци.”
“Јавно ги прашуваме Мицкоски и опозицијата, дали оваа слика значи дека планирате враќање во политиката на сите криминалци осудени со правосилни пресуди за криминал и злоупотреба на власта во минатото? Дали ова е причината за спротивставување и блокирање на европската иднина на земјата, која ќе донесе и правда и праведна борба против криминалот и корупцијата?”, се вели во соопштението на Алијанса за Албанците.
Реакцијата доаѓа по објавувањето на фотографијата од средбата од страна на Мицкоски, каде напиша: “Средба силна колку Горде. Неправдата никогаш не нè скршила!”
