11.8 C
Скопје
15 јуни, 2024
Inbox7.mk
ВЕСТИНАСЛОВНАРЕПУБЛИКА

Средба Столтенберг-Османи: НАТО е клучен фактор за безбедноста на Западен Балкан

Актуелните безбедносни предизвици како и активностите на НАТО во насока на адаптирање кон новата безбедносна реалност, биле клучните теми на денешната средба во Брисел на Министерот за надворешни работи, Бујар Османи со генералниот секретар на НАТО, Јенс Столтенберг, пренесува Инбокс7.

Двајцата соговорници истакнале дека е од особена важност успешното справување со предизвиците и зајакнување на одбраната и одвраќањето. Посебен фокус на разговорите биле актуелните состојби во Западен Балкан, како регион од стратешки интерес за Алијансата.

“Блиската координација и заеднички активности на НАТО и ЕУ во Западен Балкан, како и забрзување на европската и евроатлантската интеграција на земјите од регионот претставуваат клучни алатки за консолидирање на регионалната стабилност и затворање на вакуумот за потенцијални дестабилизирачки влијанија од трети страни”, рече Османи по средбата со Столтенберг.

На средбата станало збор и за руската воена агресија врз Украина, како и поддршката за украинскиот народ, а во тој контекст и беа нагласени и значајните одлуки од неодамнешниот Самит на НАТО во Вилнус со кои уште еднаш се потврди единството на Алијансата.

Османи истакнал дека Северна Македонија како кредибилен сојузник, останува посветена во својата определба за придонес кон глобалниот мир, колективната безбедност и стабилноста на регионот.

Во таа насока, Османи се осврнал на придонесот на нашата земја во мисиите и борбените групи на НАТО, како и определбата за одвојување на 2% од целокупниот БДП за одбраната.

 

Related posts

ГРАНИЦИТЕ НА НАШИТЕ УМОВИ

admin

Битката за уставни измени може да трае до редовните избори

admin

БОРЕЛ – МОСКВА НЕ Е ПОДГОТВЕНА ЗА МИР ВО УКРАИНА

ninja

Поддржувачите на Курти без партија, но на изборни листи во Северна Македонија

admin

Низ Западниот Балкан ќе се патува со лични карти

ninja

Командант на КФОР: Да не интервениравме во Косово, сега ќе ги оплакувавме мртвите

admin