2.8 C
Скопје
1 декември, 2023
Inbox7.mk
ВЕСТИНАСЛОВНАРЕПУБЛИКА

Холандскиот амбасадор Коп: Не чекате вие, ЕУ ве чека 15 години да ги спроведете реформите

Холандскиот амбасадор, Дирк Јан Коп, беше брутално искрен кога вчера се обрати до властите во Скопје дека само се трупаат изговори, додека реформите каскаат во место и дека се е заглавено поради недостатокот на имплементација, корупцијата и непотизмот, пренесува Инбокс7.

„Што правите вие, освен што натрупувате изговори за исполнување на барањата за членство. Зошто вие не ги завршивте своите реформи пред 15 години како и овие други земји? Слушам дека Европската Унија е виновна дека членството е заедничка одговорност и дека ние премногу ве оставаме да чекате. Вистината е дека членството е ваша одговорност и вие нас не оставате да ве чекаме премногу. По децении огромна поддршка, каде отидоа парите на нашите даночни обврзници?“, праша Коп на Втората регионална експертска конференција за Кластер 1 „Основни вредности“ во рамки на проектот „Правдата нека владее со регионот“.

Тој нагласи дека по сите овие години има стратегија за сѐ, има по два акциски планови за сѐ, сечија свест е веќе трипати зголемена и сите се веќе обучени четирикратно. “Сепак, се е заглавено поради недостатокот на имплементација, корупцијата и непотизмот”, нагласи Коп.

„Политичарите и понатаму се бесчујни и сакаат да се фотографираат со свештениците и оџите. И која е пораката за нас? Пораката е дека ги сакаме вашите пари, меѓутоа не ги сакаме вашите вредности“, рече амбасадорот.

Амбасадорот нагласи дека Холандија беше и ќе продолжи и понатаму да биде партнер за регионот на нивниот пат кон ЕУ. Но, „ситуацијата во правосудниот сектор не остави без друга опција освен да ја евалуираме нашата поддршка која што ја даваме“, додава тој.

„Сепак, самиот регион и покрај ова нема некоја друга алтернатива освен да се движи напред кон ЕУ. Друга алтернатива е за 20-ина години да се создаде една група на сиромашни земји со празни села, со празни места каде што ќе останат само стари луѓе додека останатите ќе бидат емигрирани. Знаците се тука. Ова не е бајка. Денешниот геополитички контекст е во најмала рака сложен, но неговиот релативно мало влијание врз регионот не може повторно да се искористи како изговор да не се оди напред. Одењето напред може само да се постигне само ако има владеење на правото, демократија и почитување на човековите права“, рече тој.

Во Холандија голем акцент се става врз владеењето на правото, бидејќи вели Коп, тоа е основата и камен темелник за сите демократии. За сето тоа потребно е да постојат стабилни институции, бидејќи институциите се скелетот и основата на државата, а не поединечни корумпирани шефови и диктатори, нагласува амбасадорот.

„Холандија не е голема земја. Ние имаме 18 милиони луѓе кои што е иста големина како и населението во Западен Балкан. Она што ги штити малите земји не е големината или воената моќ, туку меѓународното право и човековите права“, рече амбасадорот, кој потсети на стара латинска поговорка за правдата која што значи „правдата нека се изврши дури и небото да пропаѓа“.

„Овие зборови се и денеска релевантни и се длабоко вградени во културата на западните цивилизации. Тоа значи дека правдата мора да се изврши без оглед на цената. Ова исто така значи дека мора да има фер, да има објективност и соодветно спроведување на начелата на правдата коишто се одамна утврдени и дека еднаквите треба да се третираат еднакво, а нееднаквите нееднакво. Треба да се обезбеди еднакво за сите и да се обезбеди дека никој не е над законот. Во Холандија, во Северна Македонија, во Србија, во Албанија, насекаде тоа значи дека луѓето би требало да може да му веруваат на законот и да им веруваат на своите институции“, рече тој.

 

Делумно превземено од ДВ

Related posts

Дишеме контаминиран воздух, јадеме токсична храна: Жешките еколошки точки ни ја уништуваат околината, а закана се и за здравјето

admin

Блинкен во ненајавена средба со Абаз, не поминала во добра атмосфера

admin

Пендаровски реагира за посетата на Курти: Организаторите мора да бидат казнети

admin

ЈА ПОЧНУВА ЛИ РУСИЈА ИНВАЗИЈАТА НА УКРАИНА

ninja

Постапката за измени на Уставот почнува, Џафери ги кажува можните сценарија

admin

Ќе прифати ли Берлин „промена на парадигмата“ на Балканот?

admin