Италија ќе изгради два притворни центри во Албанија за сместување на мигрантите кои се обидуваат да стигнат до нејзините брегови, изјави во понеделникот премиерката Џорџија Мелони, во обид да ги контролира бројките на миграцијата кои се речиси двојно зголемени во годината откако таа ја презеде функцијата.
Мелони рече дека објектите треба да бидат отворени следната пролет и првично ќе примат 3.000 луѓе. Откако центрите ќе бидат „целосно отворени и ќе функционираат“, Мелони рече дека нејзината влада се надева дека ќе може да депортира до 36.000 луѓе годишно.
Екстремно десничарската партија “Браќа на Италија” на Мелони се соочува со зголемен домашен притисок бидејќи не успеа да го исполни изборното ветување за ограничување на илегалната миграција. Повеќе од 145.000 луѓе стигнале до бреговите на Италија од јануари, во споредба со 88.000 луѓе минатата година.