3.8 C
Скопје
17 февруари, 2025
Inbox7.mk
ВЕСТИНАСЛОВНАРЕПУБЛИКА

Невидливиот обвинител – Една година од мандатот на Ислам Абази

Во првата година од мандатот, Ислам Абази ретко се појавуваше во јавност. Одржа само една прес-конференција, а од неговиот тим најчесто испраќаа соопштенија. Една година, според професор Калајџиев, е малку да се даде оцена, но тој лично не очекува ништо бидејќи смета дека и самиот избор бил пораз.

„Истражна постапка против 23 лица осомничени за трговија со дрога и оружје“. Со овој наслов во петокот (24 ноември) Основното јавно обвинителство за гонење организиран криминал и корупција (ОЈО ГОКК) објави соопштение дека по повеќемесечна предистрага, била спроведена акција во охридско-струшкиот регион против криминална група која се занимавала со неовластено набавување и продажба на наркотична дрога и оружје.

Ова е и најчестиот начин како Обвинителството за организиран криминал комуницираше со јавноста изминатата година откако со него раководи Ислам Абази. Тој на чесло во Обвинителството ја наследи Вилма Русковска и дојде од гостиварско Вишо обвинителство, а неговиот избор во ноември лани беше во фокусот на јавноста откако врз целиот процес имaше сомнежи за политички влијанија.

Една година подоцна, од медиумските архиви речиси и да не може да се „ископаат“ објави од јавни настапи и изјави на Абази. Затоа, на пример, неговото појавување на судското рочиште за изрекување на пресудата за поранешниот генерален секретар на Владата Драги Рашковски, кому му се судеше за злоупотреба на службената положба и перење пари, беше и вест за новинарите.

Соопштенијата, пак, што ги објавуваа од ова обвинителство изминатата година најчесто беа за истраги, од кои голем дел поврзани со даночни измами и трговија со дрога и оружје.

Професорот по кривично право од Правниот факултет во Скопје, Гордан Калајџиев, коментирајќи ја првата година од четиригодишниот мандат на Абази, вели дека не очекува многу.

„Реално гледано, една година не е доволен период за да се мерат, да бидат видливи резултатите на еден обвинител со оглед на тоа што можно е добар дел од предистраги што ги почнале уште да не се видливи за јавноста. Меѓутоа, искрено да ви кажам не очекувам ништо затоа што мислам практично дека изборот на обвинителот за организиран криминал беше последниот, можеби и најголемиот пораз што го доживеавме од аспект на сите овие неуспеси во казненото правосудство“, вели Калајџиев за Радио Слободна Европа.

Целата анализа прочитајте ја ТУКА

Related posts

Министер на Курти допатува на средба кај Ахмети, реагира Касами

admin

Харис по средбата со Нетанјаху: „Нема да молчам“

admin

ОДНОСОТ НА БУГАРИЈА КОН СЕВЕРНА МАКЕДОНИЈА Е НЕНАМЕРНА ПОСЛЕДИЦА ОД ПРЕСПАНСКИОТ ДОГОВОР, ВЕЛИ ГРЧКИОТ ПРАТЕНИК КЕРИДИС

ninja

ВИДЕО | Автоматски воздушно такси веќе на продажба

admin

Милош Вучевиќ со одговор до Свечла: Во Приштина има исклучително висок степен на завист и омраза

admin

КАКВА ЌЕ БИДЕ 2024 ГОДИНА?

admin