„Посакував фаќањето на злосторникот да оди брзо. Сега можам да кажам дека нашето заврши“, рече Спасовски и дополни дека постапката за екстрадициониот притвор ќе ја продолжи министерството за правда.
Спасовски информираше дека е поднесена и кривичната пријава против петмината осомничени за убиствата. Една за грабнување и убиство, тројца за соизвршителство при убиство и грабнување, и еден за помагање во грабнување. Кривичната пријава е на 100 страници.
Инаку, Љупчо Палевски- Палчо е транзициски бизнисмен, контроверзен градежник, политички функционер и лидер на партија, сопственик на медиуми, измамник, насилник, а според полицијата и обвинителството, и убиец.
Палевски и стана познат на јавноста по дивоградбата Тифани, која подоцна беше легализирана.
Следуваше негов кус ангажман како претседател на градската организација на СДСМ во Скопје, на почетокот на 2000-те години, а потоа, долго меандрирање по рабовите на општеството, меѓу радикалната десница и конспирациите, сѐ до криминалното подземје.