„Влезот во ЕУ треба да биде државна цел, а не партиска работа“ – беше пораката на Лео Варадкар која тој денеска ја прати во Скопје. За време на посетата, прва на еден ирски премиер на Северна Македонија, Варадкар како успешен пример за ефектите од евроинтеграцијата ја посочи токму неговата земја која од зачленувањето досега помина низ сериозна позитивна трансформација. Тој повтори дека на патот на пристапување Ирска ќе и помогне на Македонија на секој можен начин. „Реформите ќе продолжат се до конечната цел – приемот во ЕУ“ – изјави домаќинот – Димитар Ковачевски.
„Зачленувањето во ЕУ треба да биде државна цел, а не партиска работа. Кога ние се приклучувавме кон Унијата постоеше силен консезус во земјата. Верувам дека е многу важно за регионалната стабилност на Балканот, но и за пошироката безбедност, особено по руската инвазија врз Украина, проширувањето да ја има потребната итност. Сакаме граѓаните на Северна Македонија и на регионот да имаат корист од зачленувањето во ЕУ, истот како што тоа беше случајот со Ирска пред 50 години. Отсекогаш сме го поддржувале проширувањето на Унијата и се радуваме да ја поздравиме Северна Македонија како идна земја-членка и се надеваме на забрзан напредок во пристапниот преговарачки процес. Подготвени сме да помогнеме на секој можен начин“, изјави Лео Варадкар, премиер на Ирска.
„Ирска е земја од која можеме многу на научиме, земја во која обединувањето за суштинските цели секогаш е приоритет. Членството во ЕУ за Ирска донесе општествени, политички и економски позитивни промени. Зборувавме за рефрмите, за нашите конкретни чекори кои ги прземаме. Изминатиот период континуирано добиваме потврда за заложбите за европска иднина – имаме потврда дека нашите заложби за заштита на македонскиот јазик и идентитет имаат резултат. Можеме да сме сигурни дека идните генерации ќе живеат со ЕУ горди што се Македонци со македонски јазик и идентитет. Процесот на реформи ќе продолжи, нема сила која може тоа да го запре…“, рече премиерот Димитар Ковачевски.