8.8 C
Скопје
24 април, 2024
Inbox7.mk
ВЕСТИНАСЛОВНАРЕПУБЛИКА

Пендаровски ја доби поддршката на СДСМ за втор мандат

Партиите ги обелоденија кандидатите со коишто ќе се обидат да ја освојат довербата на гласачите на пролетните избори за претседател на државата. Претседателот Стево Пендаровски ќе се кандидира за втор мандат на изборите коишто треба да се одржат на 24 април, откако ја доби довербата на раководството на СДСМ. Оваа одлука деновиве ќе се најде пред членовите на Извршниот и Централниот одбор на партијата, јави DW. 

Професорката и пратеничка Гордана Силјановска-Давкова,пак, се пријавила на јавниот оглас на ВМРО-ДПМНЕ за претседател на државата. За нејзината кандидатура ќе се одлучува од страна на делегатите на Конвенцијата за избор на кандидат за претседател која ќе се одржи на 2 март.

Силјановска – Давкова е актуелен пратеник во Собранието, а беше канадидат на ВМРО-ДПМНЕ на претседателските избори во 2019 година, кога победи Пендаровски.

Во трката за претседател влегува и лидерот на ГРОМ и градоначалник на Карпош, Стевчо Јакимовски.

Владиниот коалиционен партнер ДУИ најави дека утре ќе го соопшти својот претседателски кандидат. Во медиумите веќе се појавија информации дека во трката влегува шефот на дипломатијата, Бујар Османи.

Related posts

Година во која на функционерите им беше добро – Си ги зголемија платите и се спасија од затвор

admin

ДАУТИ УВЕРУВА: НЕМА ДА ИМА НЕДОСТИГ НА ПРЕХРАНБЕНИ ПРОИЗВОДИ

ninja

КОЛКАВИ ХОНОРАРИ ЌЕ ЗЕМААТ КООРДИНАТОРИТЕ НА КОРИДОРОТ 8 И 10Д?

admin

НАТО и регионот: Наместо тензии, потребен е мир и дијалог

admin

Нов план на Европската унија за Западен Балкан: Европа Сега

admin

ЧЕТИРИТЕ „СУХОИ 25“ ОД СКОПСКИОТ АЕРОДРОМ ПРАТЕНИ ВО УКРАИНА

ninja