Дарко Костадиновски со 6 гласа од колегите во 10-от круг гласање е избран за нов претседател на Уставниот суд. Претходно денеска, во 9ти обид за избор на претседател, Осман Кадриу не успеа да обезбеди мнозинство гласови. Во изминатите 3 дена не успеаја да бидат избрани ниту Ана Павловска Данева и Татјана Васиќ Бозаџиева.
Костадиновски е избран за судија во јануари 2018 година и мандатот му завршува за неполни три години.
По завршувањето на мандатот на судијката Добрила Кацарска, Уставниот суд остана без претседател. Девет обиди и гласови за избор на претседател пропаднаа, но по координација судиите утринава одлучија да одржат седница на која конечно беше избран новиот претседател.
Според прописот, секој судија може да предложи кандидат за претседател на Уставниот суд. Предлогот за кандидат за претседател на Уставниот суд го утврдува комисија составена од тројца судии избрана од мнозинството од вкупниот број судии. Доколку кандидатот не го добие потребното мнозинство гласови, постапката за избор на претседател се повторува.
КОЈ Е КОНСТАДИНОВСКИ?
Др. Дарко Костадиновски е роден на 27 ноември 1974 година во Скопје. Дипломирал на Правниот факултет „Јустиниани Први“ во Скопје во 1997 година. Во 2008 година станува магистер на правни науки, а во 2012 година доктор на правни науки.
Од 2001 до јануари 2018 година работеше во кабинетот на претседателот на Република Северна Македонија, прво кај Борис Трајковски, потоа кај Бранко Червенковски и на крајот кај Ѓорѓе Иванов. До 2010 година работел како помошник на советникот за надворешна политика и раководител на секторот за ЕУ и НАТО.
Од 2010 до 2018 година бил државен советник за надворешна политика. Од 2015 до јануари 2018 година, тој беше амбасадор во Алијансата на цивилизациите на Обединетите нации. Во 2018 година е избран за судија на Уставниот суд.
АФЕРИ
Констадиновски во 2019 година ја бранеше одлуката на Уставниот суд за времено укинување на мораториумот за градба во општина Центар. На ова реагираше академик Владо Камбовски, кој рече дека Костадиновски „не ја разбира азбуката на законот и Уставот“ и праша како може да биде судија на Уставен суд.
Друга дебата која го вклучи неговото име беше онаа за банкротираната банка „Еуростандард банка“. „Уставниот судија Дарко Костадиновски да внимава и да извести за евентуалниот судир на интереси во однос на одлучувањето по иницијативата на оштетените штедачи од пропаднатата банка Еуростандард“, реагираше во 2021 година Државната комисија за спречување на корупцијата, по „360 Граде“ објави дека некои од судиите имаат можен судир на интереси бидејќи биле штедачи во банката или во случајот на судијата Костадиновски дека има блиски пријателско-семејни односи со семејството на најголемиот акционер во банката, Трифун Костовски.
СУДБИНАТА НА АЛБАНСКИОТ ЈАЗИК
Во периодот до февруари 2024 година до Уставниот суд се поднесени вкупно 31 иницијатива за оцена на уставноста и законитоста и барање за заштита на слободите и правата, според кои се поднесени 32 нови предмети. Меѓу нив е и иницијативата за укинување на некои членови од Законот за употреба на јазиците, со кој албанскиот јазик добива статус на втор службен јазик во државата.
Уставниот суд кон крајот на минатата година одлучи да не поведе никаква постапка за „Договорот од Преспа“.