Коалицијата ВЛЕН, албанскиот партнер на владата на Кристијан Мицкоски, објави слика од координацијата на нивните владини функционери пред одржување на владина седница.
“Редовната координација е ВЛЕН пред владини седници! Ајде да одиме на Акција!”, се во Фејсбук објавата на коалицијата, проследена со неколку слики о состанокот во владината зграда. На масата, меѓу другите, се гледа и албанското знаме.
Претходно на овие координации и за користење на албанското знаме реагираше претседателот на ЗНАМ, Максим Димитриевски. Тој тогаш најави дека ќе ја напушти владината коалиција ако ВЛЕН продолжи со вакво однесување.