Володимир Зеленски во понеделникот рече дека Русија треба да биде претставена на вториот мировен самит во ноември, по првиот самит свикан од украинскиот претседател минатиот месец во Швајцарија на кој Москва не беше поканета.
Двете страни ги избегнуваа директните мировни преговори откако преговорите меѓу руските и украинските делегации пропаднаа во првите недели од руската инвазија во февруари 2022 година. „Верувам дека руските претставници треба да бидат на вториот самит“, рече Зеленски, опишувајќи ги подготовките за следен собир на сојузниците на Украина.
На истата прес-конференција, Зеленски рече дека на Украина и се потребни 25 системи за противвоздушна одбрана „Патриот“ за целосно да го одбрани својот воздушен простор, додавајќи дека тој исто така сака западните партнери да испратат повеќе воени авиони Ф-16 од оние што веќе ги ветиле.
Шестмесечното одложување на воената помош од САД, најголемиот поединечен придонесувач за Украина, значеше дека силите на Киев ја „изгубиле иницијативата“ на фронтот, рече Зеленски.