Првиот вицепремиер Изет Меџити вели дека новата влада наскоро ќе брои над 80 пратеници во Собранието, пренесува ТВ21.
„Има потези и за други пратеници, наскоро ќе има над 80 пратеници, така што првпат ќе има 2/3 од мнозинството во Собранието“, рече Меџити, без да даде дополнителни информации.
Запрашан за уставните измени, Меџити рече дека најдобрата форма се бара заедно со партнерите во Владата и стратешките партнери на РСМ.
„Што се однесува до уставните измени, секојдневно сме во комуникација со нашите стратешки партнери. Пратениците Албанци немаат дилема за ова – ако утре бидеме повикани, подготвени сме за уставни измени. Но работиме заедно со партнерите и во владата, а и со стратешките партнери за да се најде најдобрата форма“, рече Меџити.