Косовскиот премиер Албин Курти утре ќе престојува во официјална посета на Северна Македонија.
Од Владата на Косово за онлајн весникот Reporteri.net изјавија дека Курти ќе биде придружуван од министри од владиниот кабинет.
Понатаму се најавува дека таму шефот на косовската извршна власт ќе се сретне со премиерот на Северна Македонија.
„Премиерот Курти, придружуван од министри од владиниот кабинет, в понеделник ќе престојува во работна посета на Северна Македонија. Ќе има билатерална средба со премиерот на Северна Македонија, со кого ќе разговараат за билатералните односи, регионалната соработка и инфраструктурните проекти од интерес за двете држави“, изјави портпаролот Перпарим Криезиу за Reporteri.net.
Реализацијата на оваа посета е договорена на 20 јули.