5.8 C
Скопје
12 февруари, 2025
Inbox7.mk
ВЕСТИНАСЛОВНАРЕПУБЛИКА

Очекувањата на Мицкоски од идната влада предизвикуваат реакции во Бугарија

Премиерот на Република Северна Македонија Христијan Мицкоски го оцени идниот состав на бугарскиот парламент како „интересен политички мозаик” и изрази надеж дека во Бугарија ќе има влада, дека „нема да има осми по ред избори” и дека со новата бугарска влада ќе можат да се водат разговори и ќе биде најдено „решение за одблокирање на патот на (Република Северна) Македонија кон ЕУ”, известува БТА.

Откако направи увид на работите по магистралниот отсек Гостивар – Букојчани, дел од транспортниот Коридор 8, во одговор на новинарско прашање, Мицкоски изјави дека во Бугарија очекува влада формирана од тројца политички партнери, која не може да биде без ГЕРБ-СДС и Продолжуваме со промените – Демократска Бугарија, потсетувајќи дека со ГЕРБ се од едно европско политичко семејство – Европската народна партија (ЕНП).

Спроведените вчера парламентарни избори во Бугарија беа внимателно следени во Република Северна Македонија. Политичарите од владеачката коалиција во земјата неколкупати посочија дека очекуваат во Бугарија да се состави политичка влада, за да можат да се водат разговори поврзани со предлогот на Северна Македонија измените во уставот да стапат на сила, откако земјата ќе стане членка на ЕУ. Услов за спроведување на втората меѓувладина конференција и отворање на клустерите од преговорите на Северна Македонија со ЕУ е бугарите да бидат впишани во уставот на земјата.

Според министерот за европски прашања Орхан Муртезани, „процесот треба да се иницира двострано со Бугарија” и „додека не завршат изборите во Бугарија, предлогот на Северна Македонија нема да биде презентиран”.

Министерот за здравство Арбен Таравари смета дека земјата треба да започне преговори максимално брзо, но „сè се комплицира од тоа што во Бугарија нема стабилна влада”. Премиерот на земјата Христijan Мицкоски исто така неколкупати изјави дека е подготвен на разговори, за да се најде „решение кое ќе биде долгорочно и ќе гарантира успех во преговарачкиот процес врз основа на критериумите од Копенхаген”, но и покрај тоа што е подготвен да разговара со аргументи „по спорните прашања помеѓу двете држави”, не верува дека со службена влада ќе има можност за разговори, за да се најде начин Северна Македонија да продолжи по својот европски пат.

Во сабота, запрашан кого би посочил како подобар соговорник – Бојко Борисов или Кирил Петков, Мицкоски изјави дека не би можел конкретно да посочи, но ВМРО-ДПМНЕ е во едно политичко семејство со ГЕРБ предводена од Бојко Борисов и е логично да се бара политичка партија која потекнува од ЕНП да ги освои изборите во Бугарија.

Related posts

Правдата за Фросина: Граѓаните гневни, системот под оган

admin

Можноста за ескалација на состојбата во Украина е се` поприсутна, оценува врвот на МНР

ninja

Со кола возел 6 мигранти, приведен србин во Неготино

admin

Незири: Албанците имаа конструктивна улога во процесот со Бугарија

ninja

ВМРО-ДПМНЕ за понудата на ДУИ: Уставни измени со вакви фолирања нема да има

admin

Судски процес против четворица обвинети за заговор за киднапирање на гувернерката на Мичиген

ninja