Артан Груби, поранешен заменик-претседател на Владата на Северна Македонија и Енвер Беџети, судија во Апелациониот суд на Северна Македонија, се новите имиња на “црната листа”на САД, јавува Инбокс7.
“Во согласност со Секција 7031(в), Стејт департментот јавно ги означува Артан Груби и Енвер Беџети за нивното учество во значителна корупција преку примање мито за поткопување на судските процеси поврзани со кривичната пресуда против Сашо Мијалков, директор на Управата за безбедност и контраразузнавање (УБК) на Северна Македонија. Мијалков беше означен во 2022 година за значителна корупција согласно Секција 7031(в), а OFAC го санкционираше според Извршната наредба 14033. Како дел од оваа акција, непосредните членови на семејството на Груби исто така се означени”, се вели во соопштението на Стејт департментот.