Пет лица се уапсени во повеќе градови низ земјата под сомнение за семејно насилство, соопшти Министерството за внатрешни работи, додавајќи дека по целосно документирање на случаите ќе бидат поднесени соодветни пријави.
Полицијата информира дека приведените се од Куманово, Струмичко, Велес и Охрид, а во еден од случаите станува збор за државјанин на Словенија.
Во Куманово, во 21 часот, бил уапсен 35-годишник кој физички ја нападнал сопругата и нивните две малолетни деца. Неколку часа подоцна, приведен е и 57-годишен маж, осомничен дека ја нападнал својата ќерка.
Во Охрид, пак, полицијата го привела 48-годишен државјанин на Словенија, кој по вербална расправија физички ја нападнал сопругата во стан.
Во струмичко село, 36-годишен маж бил лишен од слобода по пријава дека агресивно се однесувал кон неговата мајка, додека во Велес, 23-годишник е приведен поради напад врз својата сестра.
Од МВР велат дека сите случаи се во постапка и дека ќе следуваат соодветни поднесоци против осомничените.