Добрососедските односи се клучен критериум во процесот на европска интеграција и без нив членството во Европската унија не е остварливо, изјави бугарскиот министер за надворешни работи Георг Георгиев на средба со неговиот македонски колега Тимчо Муцунски во рамките на Минхенската безбедносна конференција.
„Изградбата на добрососедски односи бара доверба, отворен дијалог, предвидливост и исполнување на преземените обврски“, рече Георгиев, според соопштението на бугарското Министерство за надворешни работи.
Тој нагласи дека ставот на Софија за европската интеграција на Северна Македонија останува јасен и доследен. Договорот од 2022 година, кој вклучува серија мерки, е единствениот пат напред, додаде тој.
Според Георгиев, впишувањето на Бугарите во Уставот на Северна Македонија, на рамноправна основа со другите конститутивни народи, е само првиот чекор кој ќе ѝ овозможи на Скопје да ги започне пристапните преговори.
„Препреговори или заобиколување на постигнатите договори, кои се поддржани од целиот ЕУ, не се можни“, истакна бугарскиот министер.