Потпретседателот на ДУИ, Арбер Адеми, реагираше по изјавата на министерот за економија, Бесар Дурмиши, кој денеска изјави дека „Министерството за економија не е надлежно за инспекција на ноќни клубови и кабареа“.
„Со оваа изјава, министерот Дурмши директно ја ослободи од одговорност претходната министерска гарнитура, вклучително и Крешник Бектеши“, изјави Адеми, алудирајќи на претходниот министер од редовите на ДУИ.
Реакцијата доаѓа откако во јавноста се отвори дебата околу институционалната одговорност за трагедијата во Кочани, каде изгоре објект со дозвола за угостителска дејност. Дурмши претходно изјави дека за безбедносните аспекти на такви објекти одговорни се други институции, а не Министерството за економија.
„Ако министерството не е надлежно за лиценци, тогаш кој е?“, праша Адеми, обвинувајќи го Дурмши за, како што рече, „обид да се испере од одговорноста која му припаѓа“.
Владата најави законски измени со кои ќе се зголеми контролата врз гастрономскиот и градежниот сектор, вклучително и построги казни за прекршителите.