Претседателот на Собранието Африм Гаши, првиот заменик-премиер Изет Меџити и заменик-премиерот Арбен Фетаи утрово во Скопје се сретнаа со претседателот на Албанија, Бајрам Бегај.
„Ова утро имав чест да го пречекам во Скопје претседателот на Албанија, Бајрам Бегај, заедно со претседателот на Собранието, Африм Гаши, и првиот заменик-премиер, Изет Меџити“, објави Фетаи на социјалните мрежи.
На средбата, како што соопшти Фетаи, се разговарало за соработката меѓу двете земји во контекст на заедничкиот пат кон Европската унија, како и за други прашања од заемен интерес. Главните теми вклучувале Коридорот VIII, безбедносните прашања, претстојната посета на претседателот Бегај на Северна Македонија и најновите политички случувања во земјата.
„Соработката меѓу Северна Македонија и Албанија е клучна за стабилноста и просперитетот на регионот, и ќе продолжиме да работиме на зајакнување на нашите односи во сите области“, се наведува во соопштението на заменик-премиерот Фетаи.