Лидерот на СДСМ, Венко Филипче, по повод 1 Мај – Меѓународниот ден на трудот, изјави дека партијата останува посветена на заштита на правата на работниците и покрај тоа што се наоѓа во опозиција.
„Секогаш сум имал длабока почит кон секој што со својот труд го движи општеството напред. Како претседател на СДСМ, мојата обврска е таа почит да се претвори во реална политика за поддршка на работниците“, наведе Филипче.
Тој потсети дека за време на владеењето на СДСМ се работело на зголемување на платите и подобрување на работните услови, а партијата, како што рече, ќе продолжи со таа агенда и во опозициски статус.
„Сè уште сме далеку од фер и праведно општество што целосно го вреднува трудот. Но, СДСМ нема да престане да се бори за тоа“, изјави Филипче.
Тој порача дека 1 Мај не треба да биде само празник, туку и потсетник дека секој работник заслужува достоинствена плата, време за семејството и глас што се слуша.