Лидерот на Алијансата за Албанците, Арбен Таравари, денеска, по повод една година од формирањето на владата предводена од коалицијата ВМРО-ДПМНЕ – ЗНАМ – ВЛЕН, изрази разочараност од досегашното владеење и посочи дека политичкиот проект ВЛЕН се претворил во „неуспешен обид“.
„Бев дел од оваа влада речиси 11 месеци. Ја преземам мојата одговорност и им се извинувам на граѓаните што не успеавме да го донесеме ветениот променлив правец“, напиша Таравари на Фејсбук.
Тој додаде дека „промени не значат само нови имиња на партии, туку вистинска промена на менталитетот“.
Во пораката повика на обединување на сите политички субјекти околу, како што рече, „силата на народот и неговите права“, најавувајќи победа на изборите во октомври.
„Победата е блиску – многу блиску“, порача Таравари.