Премиерот Христијан Мицкоски изјави дека граѓаните долго чекале на изградбата на автопатот Кичево–Охрид, и дека првиот дел од делницата, од Врбјани до Охрид, е официјално пуштен во употреба.
„До ова место каде што денес го отворивме делот до Охрид, остануваат уште околу дваесетина километри до Кичево. Седумнаесет од нив се од излезот на тунелите до Кичево“, рече Мицкоски во објава на платформата X.
Тој додаде дека двата километри тунели се речиси завршени, додека последните петнаесет километри се уште се во изградба. На трасата кај Охрид се лоцирани шест свлечишта во близина на селото Ботун.
„Проблемите ги оставаме зад нас – што било, било. Важно е сега да гледаме напред. Граѓаните не избраа за да ги решаваме токму овие предизвици. Ако беше лесно, сигурно немаше да бидеме ние“, изјави премиерот.
Тој нагласи дека Владата ги поставува темелите на промените и дека „доаѓа времето на Македонија“.