Здружението „16 март 2025 – Кочани“ во сабота во 18:05 часот ќе го одржи 17. „Марш за ангелите“, соопшти организацијата.
Маршот ќе се одвива по вообичаената рута низ источниот македонски град: од Паркот на револуцијата, покрај трговскиот центар, зградата на Општина Кочани, полициската станица, па до Обвинителството и Основниот суд.
„Ја известуваме јавноста дека продолжуваме со барањето правда за нашите деца, за што ќе се бориме до крај“, се наведува во писменото соопштение на здружението.
Организаторите упатија повик до сите граѓани кои ги поддржуваат барањата на родителите на починатите деца да им се придружат на маршот.