ВМРО-ДПМНЕ во четвртокот обвини дека двајца кандидати за советници од редовите на владејачкиот СДСМ физички нападнале странски државјани во Струмица, што партијата го оцени како доказ за, како што велат, „насилното лице на власта“.
Владејачката партија наведе дека станува збор за Христијан Ефтимов, претседател на младината на СДСМ во Струмица, и Илија Стојанов, исто така кандидат за советник во локалниот совет. „Овие лица, блиски до структурите на СДСМ, крвнички претепале странци,“ се вели во соопштението.
ВМРО-ДПМНЕ потсети и на претходни инциденти со функционери и членови на владејачката партија, меѓу нив и градоначалникот на Крива Паланка, Сашко Митовски, за кој тврдат дека нападнал припадник на полицијата.
„Низата е долга – од советникот Аки Акимов од Кочани, кој делеше тупаници во Советот, па до актуелните случаи во Струмица. За сите овие инциденти Венко Филипче не се огради,“ соопшти партијата, повикувајќи го лидерот на СДСМ да се дистанцира од насилството.