Универзитетот на Југоисточна Европа (УЈИЕ) во Тетово во четврток потпиша трипартитен меморандум за соработка со Westminster Foundation for Democracy (WFD) и Младинскиот образовен форум (МОФ), со цел развој и имплементација на програмата за дебата во форматот British Parliamentary.
Документот го потпиша ректорот на УЈИЕ, проф. д-р Садудин Ибраими, заедно со претставници на WFD и МОФ. Проектот е дел од иницијативата „Практикувај демократија“, која ја спроведува WFD со поддршка на Британската амбасада.
„Програмата им овозможува на студентите да ги развијат своите критички и говорнички вештини, а истовремено им отвара врати кон меѓународни натпревари и академски активности,“ соопштија од МОФ.
Ментори на студентите ќе бидат професорките Албана Метaj и Фјола Капроли од Правниот факултет, додека Дебатниот клуб на УЈИЕ ќе го водат самите студенти.