Владата соопшти дека е завршена реконструкцијата на патот кон Манастир Пеленица, проект вреден над 475.000 евра, насочен кон подобрување на безбедноста и пристапноста до овој локалитет.
Премиерот Христијан Мицкоски објави дека проектот опфатил рехабилитација на коловозот и изградба на нов тротоар на делницата што води кон манастирот, кој се наоѓа во близина на населбата Драчево, во рамки на општина Кисела Вода.
„Со реконструкцијата се подобрува безбедното движење на посетителите и локалното население, како и пристапот до верскиот објект“, наведе Мицкоски во објава на социјалните мрежи.
Од Владата велат дека проектот е дел од поширока програма за унапредување на локалната инфраструктура и подобрување на патната мрежа до туристички, културни и верски дестинации.