Министерот за здравство, Азир Алиу, и деканот на Факултетот за информатички и комуникациски технологии, проф. д-р Благој Ристевски, денеска потпишаа Меморандум за соработка меѓу Министерството за здравство и Универзитетот „Св. Климент Охридски“ во Битола.
Министерот Алиу истакна дека соработката е насочена кон подобра меѓусебна координација и поефикасно спроведување на законските обврски. „Овој чин претставува јасна потврда на нашата заедничка определба за институционална соработка и за визијата за модерен, ефикасен и одржлив здравствен систем. Убеден сум дека партнерството ќе донесе конкретни резултати – подобро едуцирани кадри, иновативни решенија и поефикасен здравствен систем во служба на граѓаните“, рече Алиу.
Меморандумот предвидува и развој на дигиталната трансформација во здравството, со цел зголемување на ефикасноста, транспарентноста и квалитетот на здравствените услуги преку примена на современи технологии.