Новоизбраниот премиер на Унгарија, Петер Маѓар, најави дека неговата влада ќе ја суспендира информативната програма на државните медиуми, обвинувајќи ги дека функционираат како „пропагандна машина“.
Маѓар, кој со убедлива победа на изборите стави крај на 16-годишното владеење на Виктор Орбан, изјави дека мерката ќе биде спроведена веднаш по преземањето на функцијата, што се очекува во средината на мај.
Говорејќи во интервјуа за јавните радио и телевизија, тој ја спореди актуелната медиумска состојба со „епохи од минатото“, алудирајќи на сериозни нарушувања на медиумската независност.
„Целта е да се врати јавниот сервис во вистинска јавна функција“, рече Маѓар.
Тој најави дека реформите ќе бидат насочени кон деполитизација и професионализација на јавниот медиумски сервис, кој, според него, во изминатите години бил ставен во служба на власта.
Победата на Маѓар предизвика силни реакции низ Европа, каде неговата влада се гледа како потенцијален пресврт во однос на политиките на Орбан, особено во однос на медиумите, владеењето на правото и односите со Европската унија.