Рускиот претседател изјави дека односите меѓу и достигнале „невидено високо ниво“, за време на средбата со кинескиот претседател во Пекинг.
Двајцата лидери потпишаа повеќе од 20 договори за трговија, технологија, научна соработка и енергетика, како и заедничка декларација за „мултиполарен светски поредок“.
Во фокусот на разговорите бил и проектот „Power of Siberia 2“, нов гасовод кој треба да пренесува до 50 милијарди кубни метри природен гас годишно од Русија кон Кина преку Монголија.
Кремљ соопшти дека Москва и Пекинг постигнале „општо разбирање“ за проектот, иако остануваат да се договорат одредени детали.
Путин порача дека Русија ќе продолжи со непрекинато снабдување на Кина со нафта и гас, додавајќи дека билатералната трговија е заштитена од „надворешни влијанија и негативни трендови“.
Си Џинпинг изјави дека Кина и Русија мора да останат „стратешки потпори една за друга“, нагласувајќи дека двете држави ќе ја продлабочат соработката во вештачката интелигенција и технолошките иновации.
Кинескиот лидер повика и на спротивставување на „едностраното малтретирање“ и на потезите што, според него, „ја нарушуваат историјата и меѓународната правда“.
Според анализите на Би-Би-Си, Москва сè повеќе економски зависи од Пекинг поради западните санкции поврзани со војната во Украина.
Кина останува најголем купувач на руска енергија, но Пекинг истовремено се обидува да задржи внимателен баланс во односите со Западот.
На агендата на Путин биле и разговори за Украина, Иран и односите со САД, а Кремљ не ја исклучува можноста за средба меѓу Путин и американскиот претседател на самитот АПЕК во Кина во ноември.
Посетата на Путин на Пекинг доаѓа само неколку дена по посетата на Трамп на Кина, што дополнително ја засили геополитичката конкуренција меѓу големите сили.