Лидерот на СДСМ, Венко Филипче, го оцени ребалансот на Буџетот како доказ за економски неуспех на Владата, предупредувајќи дека државата се движи кон сериозна финансиска криза без јасна стратегија за справување со растечкиот дефицит.
Во интервју за Сител телевизија, Филипче изјави дека во ребалансот нема доволно средства за раст на пензиите, платите, земјоделските субвенции и социјалните трансфери.
„Ние одиме кон амбис, а Владата нема стратегија како ќе ја закрпи финансиската дупка“, рече Филипче.
Тој додаде дека, според него, Северна Македонија заостанува зад земјите од регионот во користењето на европските фондови, наведувајќи дека Црна Гора обезбедила 3,2 милијарди евра неповратни средства, додека македонската Влада, како што рече, се фали со околу 50 милиони евра.