Претседателот на СДСМ, Венко Филипче, во објава на Фејсбук упати остри критики кон ВМРО-ДПМНЕ и премиерот Христијан Мицкоски, користејќи ја својата професија на хирург како метафора за состојбите во политиката.
„Хирургијата бара прецизност, одговорност и чисти раце. Политиката што ја водат ВМРО и Мицкоски – обратно“, напиша Филипче.
Тој ја обвини власта дека ја труе државата со лаги, поделби и криминал, спротивставувајќи ја работата на лекарите со начинот на кој, според него, се води државата.
„Додека ние спасуваме животи, тие ја трујат државата со лаги, поделби и криминал“, наведе лидерот на СДСМ.
Филипче ја заврши објавата со порака дека е потребна радикална промена на политичкиот систем.
„Време е конечно да се оперира системот. Без анестезија“, напиша тој.